(مەكتەپنىڭ 58-قارارلىق ئوقۇغۇچىلىرى بىر-بىرىنىڭ ئالاقىلىشىش نومىرلىرىنى يېزىشماقتا)


    ئۇرۇمچى لېنىيىسى خەۋىرى:17-سىنتەبىر،ئۇرۇمچى شەھەرلىك 1-ئوتتۇرا مەكتەپ ئۆزىنىڭ 120 ياشقا كىرگەن تۇغۇلغان كۈنىنى كۈتۈۋالدى.مەملىكەتنىڭ ھەر قايسى جايلىرىدىن كەلگەن 600 دىن ئارتۇق كىشى ۋە 2000 دىن ئارتۇق ئوقۇتقۇچى-ئوقۇغۇچى مەكتەپكە جەم بولۇپ مەكتەپنىڭ تۇغۇلغان كۈنىنى تەبرىكلىدى.
   ئاپتۇنۇم رايۇنلۇق پارتكوم دائىمىي كومتېتىنىڭ ئەزاسى،ئۇرۇمچى-سانجى پارتكومىنىڭ شۇجىسى،شەھەرلىك پارتكومنىڭ شۇجىسى جۇخەيلۇن،ئاپتۇنۇم رايۇنلۇق پارتكوم دائىمىي كومتېتىنىڭ ئەزاسى ئەركىنجان تۇراخۇن،ئاپتۇنۇم رايۇنلۇق خەلق قۇرۇلتىيىنىڭ مۇئاۋىن مۇدىرى نەيىم ياسىن،ئاپتۇنۇم رايۇنلۇق سىياسىي كېڭەشنىڭ مۇئاۋىن رەئىسى كى لىي،شەھەرلىك پارتكومنىڭ مۇئاۋىن شۇجىسى،شەھەر باشلىقى جارۇللا ھېسامىدىن،شەھەرلىك خەلق قۇرۇلتىيىنىڭ مۇدىرى مۇرات يۇنۇس،شەھەرلىك سىياسىي كېڭەش پارتگۇرۇپپىسىنىڭ شۇجىسى،مۇئاۋىن رەئىسى لۇي دىشىياڭ،شەھەرلىك خەلق قۇرۇلتىيى پارتىگۇرۇپپىسىنىڭ شۇجىسى،مۇئاۋىن مۇدىر چىڭ جىپىڭ،شەھەرلىك پارتكومنىڭ دائىمىي ئەزاسى،شەھەرلىك تەشۋىقات بۆلۈمىنىڭ باشلىقى رىن خۇا،مۇئاۋىن شەھەر باشلىقى دۇڭ ياۋلىڭ  قاتارلىق رەھبەرلەر تەبرىكلەش يىغىنىغا قاتناشتى.
   ئاپتۇنۇم رايۇنلۇق پارتكومنىڭ شۇجىسى جاڭ چۇنشىيەن،ئاپتۇنۇم رايۇنلۇق پارتكومنىڭ مۇئاۋىن شۇجىسى،ئاپتۇنۇم رايۇننىڭ رەئىسى نۇر بەكرى قاتارلىقلار مەكتەپكە بېغىشلىما يېزىپ بەردى.
   دۆلەت مائارىپ مېنىستىرلىقى،چىڭخۇا ئۇنۋېرسىتىتى،بېيجىڭ ئۇنۋېرسىتىتى،شىنجاڭ ئۇنۋېرسىتىتى قاتارلىق دۆلەت ئىچىدىكى داڭلىق مەكتەپلەر تەيۋەن نەنشەن ئوتتۇرا مەكتىپى،ياپۇنىيە كۇدۇڭ ئالىي ئوتتۇرا مەكتىپى،جۇڭگۇ خەلق ئۇنۋېرسىتىتى قارمىدىقىدىكى ئوتتۇرا مەكتەپ قاتارلىق 122 دوس مەكتەپ ۋە مەكتەپ بىلەن دوستلۇق ئورۇناتقان 58 ئورۇن تەبرىك تىلگىراممىسى ئەۋەتتى.
   ھازىر جۇڭگۇ قۇرۇلۇش فېزىكا يۇرتىدا خىزمەت قىلىدىغان،ئىلگىرى ئىلىمىزنىڭ 1-ئاتۇم بومبىسى تەتقىقات خىزمىتى ۋە قويۇپ بېرىش خىزمىتىگە قاتانشقان مۇتەخەسىس خەن جىنخەي مۇشۇ مەكتەپنىڭ 1955-يىلى ئوقۇش پۈتتۈرگەن ئوقۇغۇچىسى بولۇپ،ئۇ ۋەكىل بولۇپ سۆز قىلدى.
تەبرىكلەش يىغىنىدا،ئاپتۇنۇم رايۇن ۋە ئۇرۇمچى شەھىرى رەھبەرلىدىن جۇخەيلۇن،ئەركىنجان تۇراخۇن،جارۇللا ھېسامىدىن قاتارلىق رەھبەرلەر سۆز قىلدى ۋە مەكتەپ رەھبەرلىرىدىن مەكتەپنى تېخىمۇ ياخشى باشقۇرۇپ،ئالدىنقىلارغا ۋارسىلىق قىلىپ،كېيىنكىلەرگە يول ئېچىش ئەنئەنىسىگە ۋارسىلىق قىلىپ،مائارىپ ئىسلاھاتى ۋە تەرەققىياتىدا تېخىمۇ يېڭى سەھىپىلەرنى ئېچىشنى تەلەپ قىلدى. 
    ئىگىلىنىشچە،ئۇرۇمچى شەھەرلىك 1-ئوتتۇرا مەكتەپ شىنجاڭدا ئەڭ بۇرۇن قۇرۇلغان ئوتتۇرا مەكتەپ بولۇپ، 1891-يىلى بۇغدا بىلىم يۇرتى نامىدا قۇرۇلغان،1906-يىلى مەكتەپ نامى شىنجاڭ ئۆلكىلىك ئوتتۇرا مەكتەپكە ئۆزگەرتىلگەن.1934-يىلى شىنجاڭ ئۆلكىلىك دىخۇا 1-ئوتتۇرا مەكتىپىگە ئۆزگەرتىلگەن.1935-يىلىدىن 1945-يىلىغىچە ئاز سانلىق مىللەت ئوقۇغۇچىلىرىنى قوبۇل قىلىپ،شىنجاڭ تارىخىدىكى تۈنجى مىللى ۋە خەنزۇ مەكتەپ بىرلەشتۇرۇلگەن مەكتەپكە ئايلانغان.
    1949-يىلى شىنجاڭ ئازاد قىلىنغاندىن كېيىن شىنجاڭدىكى تۈنجى ئەر-ئاياللار بىرلەشتۇرۇلگەن مۇكەممەل مەكتەپكە ئايلانغان.1953-يىلى دۆلەت تەرىپىدىن شىنجاڭ بويىچە بىردىنبىر نوقتىلىق ئوتتۇرا مەكتەپ قىلىپ بېكىتىلگەن.1957-يىلى مەكتەپ نامى رەسمىي ھالدا ئۇرۇمچى شەھەرلىك 1-ئوتتۇرا مەكتەپكە ئۆزگەرتىلگەن.1982-يىلى قايتا <<دۆلەت تۈنجى تۈركۈمدە تەستىقلىغان باشقۇرۇشى ياخشى نوقتىلىق مەكتەپلەر>>قاتارىغا كىرگۈزۈلگەن.