2005-يىلى 24-ئىيۇن، كۆپلىگەن مانچىستىر بىرلەشمىسى مەستانىلىرى ئۈچۈن بىر ئونتۇلماس كۈن بولغان. گەرچە كۆپلىگەن مەستانىلەر ئۆزلۈكسىز گرائېسىر جەمەتىنىڭ «ھۇجۇمى»غا قارشى چىققان بولسىمۇ، بىراق يەنىلا مانچىستىر بىرلەشمىسى كولۇبىنىڭ لوندون پاي چېكى بازىرىدىن چېكىنىپ چىقىپ گرائېسىر جەمەتىنىڭ شەخسى مال-مۆلكىگە ئايلىنىپ قېلىشىنى توسىيالمىغان. ئالتە يىلدىن كېيىن گرائېسىر جەمەتىنىڭ يەنە مانچېستىر بىرلەشمىسى كولۇبىنى ئاسىيا پۇل-مۇئامىلە مەركىزىنىڭ بىرى بولغان سىنگاپوردا قايتىدىن بازارغا سېلىشىنى ھىچكىم ئويلاپ باقمىغان.

 

فرانسىيە ئاخبارات ئاگېنتلىقىنىڭ خەۋىرىگە قارىغاندا، مانچىستىر بىرلەشمىسىنىڭ بازارغا سېلىنىش ئىلتىماسى سىنگاپور ئاكسىيە باشقۇرۇش ئورنىنىڭ تەستىقىدىن ئۆتكەن بولۇپ، ئەڭ بالدۇر بولغاندا كېيىنكى ئاينىڭ ئوتتۇرىلىرىدا رەسمىي تارقىتىلىدىكەن. ئۇزۇن قۇلاق ئەربابلارنىڭ ئاشكارىلىشىچە، «ئۇلار (مانچىستىر بىرلەشمىسى)نىڭ بازارغا سېلىش ئىلتىماسى تەستىقلاندى، بىراق كونكرېت بازارغا سېلىنىش ۋاقتى تېخى مۇقىملاشمىدى، گىرائېسىر جەمەتىنىڭ مانچىستىر كولۇبىنى بازارغا قايتا سېلىشى شەخسى مەنپەئەتكە ئېرىشىش ئۈچۈندۇر، بۇ شىركەت (مانچىستىر بىرلەشمىسى) مەبلەغگە مۇھتاج ئەمەس، شۇڭلاشقا ئالدىراپ سېتىۋەتمەي، بەلكى بازارنىڭ ئۆزگىرىش ئەھۋالىغا قاراپ مۇۋاپىق پۇرسەتتە تارقىتىدۇ».